غلطه ومش ح تعود

غلطه ومش ح تعود..
لا كأنى شفتك
ولا عرفتك
ولا كان فى بينا عهود
غلطه ومش ح تعود..
خلصت منك
وح أعيش كأنك.
حد مش موجود..
غلطه ومش ح تعود..
كفايه بعدك..
خلانى بعدك..
كل ليله بموت..
غلطه ومش ح تعود..
لو كنت احبك تانى..
أهون عليه الموت...

كنت وخلاص ونهيتك..
غدرك أساس.. ياريتنى ماحبيتك..
أنا طويت صفحتك..
أنا نسيت سكتك..
ورميت ورايا قسوتك..
أنا طفيت شمعتك..
أنا داويت طعنتك..
ضيعت نفسى بغلطتك..
أياك تجينى بدمعتك وتقوللى ماضى
وحياة هواك ومحبتك أنت اللى ماضى
لك قلب فاضى.. خلانى شلتك من حياتى
ونفسى أبدء من جديد..
لما سيبتك مشيت بعيد..
واللى يدوس ينداس..
كنت زمان وخلاص
وعلى فكره
متلاقيش جوايا ذكرى
مهما يجرى..
غلطه ومش ح تعود
لو كنت أحبك تانى..
أهون عليه الموت