بـــــــــكــــــلـــــمــــة مــــــنـــــــكـــ

عارف يعني ايه انك لو بعت لي مسج بتقولي فيها بس صباح الخير ... بيبقا يومي اجمل يوم ممكن امر بيه

عارف لما ابقا زعلانة منك ... وتقولي عشان خاطري متزعليش مني ... انا ميهنش عليا زعلك ومقدرش ازعلك .... بيبقا نفسي اقولك قلبي مبيعرفش يزعل منك ... وعمرة ما زعل منك ... ولو حاول بيصالحك بمجرد ما بتيجي ... ولو فضل زعلان اول ما يسمع عشان خاطري دي بيرجع في كل حاجة كان ناوي عليها ... بس متزعلوش انت بقا .. ول...و ...انه بيحب يشوف غلاوتة عندك

عـــارف يعني ايه ابقا زعلانة منك ... وموجوعة قوي منك ... واول ما انت تعمل ولو حاجة صغننة قد كده انسى كل ده ...

عارف يعني ايه لو زعلت مني محسش بطعم اي حاجة .. حتى لو حاجة كنت بتمناها ... لغاية ما نتصالح وقتها بس اعرف احس بكل حاجة

عارف يعني ايه لما بطمن عليك وبحس بيك جنبي بيبقا عندي قدرة اني اقاوم الدنيا كلها واني اسعد الدنيا كلها واني اعمل اي حاجة تخلي كل الناس مبسوطة ومطمنة زيي – بس طبعا اي حاجة غير انهم يفكروا يكلموك انت حبيبي انا بس –

عارف اني ببقا مبسوطة قوي لما تقولي انتي ملاكي ... ولما تقولي متتكلميش انا بس اللي اتكلم واقولك كل حاجة ... مش عايز اسمع منك حاجة .. انتي اميرتي

انت بقا اللي حبيبي وامير مملكة قلبي ... انت الهدية اللي ربنا بعتها لي ... وبشكره عليها .. وبعمل كل اللي اقدر عليه عشان احافظ عليها ... واسعد قلبها

بحبك قوي لما تبقا مش عايزني اعمل حاجة ... ولما اقولك مش هعملها عشان خاطرك .. تقولي مش هبقا مبسوط وانتي مش مبسوطة ... ونفضل نتخانق .... مين فينا اللي يرضي التاني ... وفي الاخر انا اقولك خلاص انا هعمل اللي انت عايزة وهحبة ... وهبطل الحاجة اللي انا بحبها ... وانت تقولي ماشي هعمل نفسي مش واخد بالي

رقيق انت قوي :d

بحبك اوى يانور عينى